Artisau Auzoa egitasmoa hirigune historikoa birgaitzeko sortu zen, bertan dauden lokalak zaharberritu eta erabilera berri bat eman nahi die Errenteriako Udalak. Artisautza, sormena eta tokiko merkataritza suspertzea ere du helburu. Esperientzia pilotu gisa, kulturarekin, artisautzarekin eta sormenarekin lotutako jarduerak bertan garatzeko aukerak ahalbidetzen dira, artisautzari lotutako nortasun bereziz hornitzeko.

Belaunaldien arteko erreleboa planifikatzea eta enpresetan adina kudeatzea funtsezkoa da ezagutzaren eta esperientziaren jarraipena ziurtatzeko, berrikuntza sustatzeko eta lehiakortasunari eusteko. Gainera, trantsizio ordenatua eta ustekaberik gabekoa errazten du, taldearen produktibitatean eta aldartean duen eragina murriztuz.

Energia-kostuak eta CO2-emisioak murrizteaz gain, energia kontserbatzearen garrantziari buruz hezten dira ikasleak, eta klima-aldaketaren aurkako ekintza zehatzak hartzeko ahalduntzen dira.

Era batera edo bestera lan-merkatuan sartzeko edo mantentzeko zailtasunak dituzten pertsonen gizarteratzearekin eta laneratzearekin lotuta dauden eragileen koordinaziorako, lankidetzarako eta talde-lanerako gune egonkorra, ildo horretan egiten dituzten jarduerak eraginkorragoak eta efizienteagoak izan daitezen edo ingurunera egokitutako erantzun berriak gara ditzaten.

Biratu proiektuaren helburua Oarsoaldeko enpresa sarean ekonomia zirkular baterako trantsizioa bultzatzea da. Ekimen honen helburua hazkunde ekonomikoa eta baliabide finituen erabilera bereiztea da, praktika jasangarriak, energiaren erabileraren eraginkortasuna eta hondakinen murrizketa sustatuz.

Gipuzkoako Foru Aldundiko Iraunkortasun Sailak eta Oarsoaldea Eskualdeko Garapen Agentziak bultzatutako proiektuaren helburua da Oarsoaldeko lehen sektorean jasangarritasuna eta eraginkortasun energetikoa sustatzea, batez ere nekazaritza eta abeltzaintza arloetan.